Ukraynada kriptovalyuta leqallaşdırılıb

Dünya ölkələrinin rəqəmsallaşmaya doğru illərdir sürətlə irəliləməsinə baxmayaraq, kriptovalyutalar hələ də bir çox istehlakçılara qaranlıq qalmaqdadır. Kriptovalyutalar bir sıra dünya ölkələrində qadağa edilsə də, bu yöndə irəliləyən ölkələr də mövcuddur.

Bu ölkələrdən biri isə hazırda müharibə şəraitində olan Ukrayna Respublikasıdır. Belə ki, ötən ay hazırlanan və yaxın günlərdə təsdiqlənən qanunvericilik layihəsi əsasında, kriptovalyutalar rəqəmsal aktivlər fonunda qanun çərçivəsində mübadilə edilə biləcək və kripto şirkətlər rəsmi bank hesabı əldə edə biləcəklər.

Məlumat üçün qeyd edək ki, qanunvericilik layihəsinin təsdiqində Ukraynaya edilən ianələrin də böyük rolu olub. Rusiya-Ukrayna arasında baş verən gərginlik dövründə Ukrayna ordusunun maddi-texniki təminatının balanslaşdırılması məqsədilə “Повернись живим” təşkilatı vasitəsilə kriptovalyuta və token formasında ümumilikdə 100 milyon dollar dəyərində ianə həyata keçirilib.