“Visa B2B Connect: yeni sərhədlərarası B2B ödəniş şəbəkəsi” adlı vebinar keçirilmişdir

Azərbaycan Banklar Assosiasiyası (ABA) beynəlxalq maliyyə institutları ilə birgə bank əməkdaşlarının bilik və bacarıqlarının artırılması istiqamətində tədbirlərin həyata keçrilməsini davam etdirir. Bu istiqamətdə növbəti tədbir olaraq “Visa Inc.” beynəlxalq kart təşkilatı tərəfindən 22 iyun 2021-ci il tarixində “Visa B2B Connect: yeni sərhədlərarası B2B ödəniş şəbəkəsi” adlı vebinar keçirilmişdir.

 Bildiyiniz kimi, qloballaşma fonunda beynəlxalq B2B ödənişləri inkişaf edir və əhatə dairəsi genişlənir. Bununla yanaşı, hal-hazırda bank müştərilərinin ödəmə ehtiyacları daha da fərdiləşib. Bütün bunlar nəzərə alınaraq, vebinarda yeni sərhədlərarası B2B ödəniş şəbəkəsi olan “Visa B2B Connect” xidməti, onun üstnülükləri və bu şəbəkənin beynəlxalq ödənişlərdə rolu barədə məlumat verilibdir.

Sonda mövzu üzrə suallar cavablandırılmış və müzakirə aparılmışdır.