AMB sədri Taleh Kazımov ABA-nın 35 illik yubileyi ilə bağlı paylaşım edib

“Azərbaycan Banklar Assosiasiyasının (ABA) 35 illik və onun törəmə müəssisəsi olan Azərbaycan Bank və Maliyyə Tədris Mərkəzinin (ABMTM) 25 illik yubileyləri münasibətilə keçirilən tədbirdə çıxış etməkdən məmnun oldum.”

BBN.az xəbər verir ki, bu haqda Azərbaycan Respublikasının Mərkəzi Bankının (AMB) sədri Taleh Kazımov özünün X platformasında qeyd edib

“Ötən dövr ərzində ABA, bank sektorunun inkişafı və dayanıqlılığının gücləndirilməsi, innovativ həllərin tətbiqi imkanlarının artırılması, həmçinin maliyyə inklüzivliyinin genişləndirilməsi və maarifləndirmə sahələrində mühüm töhfələr verib. Əminəm ki, ABA gələcəkdə də maliyyə sektorunun dayanıqlı inkişafı istiqamətində fəaliyyətini əzmlə davam etdirəcək! ABA və ABMTM kollektivini təbrik edir və gələcəkdə daha böyük nailiyyətlər arzulayıram!”  – deyə AMB rəhbəri əlavə edib.