Azərbaycan Respublikasının Dövlət Şəhərsalma və Arxitektura Komitəsinin və BMT-nin Məskunlaşma Proqramının (UN-Habitat) birgə təşkilatçılığı ilə keçiriləcək İkinci Azərbaycan Milli Şəhər Forumunda (NUFA) şəhərsalma sahəsində təhsili dəstəkləmək və şəhər inkişafında gələcək liderləri ruhlandırmaq üçün hazırlanmış eksklüziv mühazirələr silsiləsi təşkil ediləcək.
İki günlük mühazirələrdə müxtəlif ölkələrin şəhərsalma siyasətinin və şəhərlərin gələcək planlaşdırılmasında yeni yolların müzakirə edilməsi üçün iştirakçılara unikal imkan yaradılacaq. Tədbirə dəvət edilmiş beynəlxalq universitetlərdən seçilmiş mütəxəssislər
• Prof. Le-Yin Zhang, London Universitet Kolleci
• Prof. Ricardo Garcia Mira, A Coruna Universiteti
• Prof. Jerzy Grochulski , Varşava Texnologiya Universiteti
• Prof. Olgu Çalışkan, Orta Doğu Texniki Universiteti
Şəhərin inkişafı və Şəhərlərin İdarəsi, layihələndirmə, davamlılıq, ekoloji psixologiya, İqlim Dəyişikliyi ilə sənayeləşmə arasındakı əlaqə və digər mühüm mövzularda öz təcrübə və araşdırmaları, habelə dəyərli fikirləri ilə bölüşəcəklər.
30 sentyabr – 1 oktyabr 2023-cü il tarixlərində keçiriləcək tədbirin xüsusi mühazirə hissəsi bütün tələbələr, peşəkarlar və mövzu ilə maraqlanan hər kəs üçün açıqdır. Lektoriya qabaqcıl mütəxəssislərin şəhər problemləri və həll yolları haqqında təcrübə və fikirlərini öyrənmək üçün əlverişli platforma rolunu oynayacaq.
Xahiş edirik ki, qeydiyyatınızı təsdiq etmək üçün bu linklə keçərək formanı doldurun: bit.ly/3PD0MlA
Baku Marriott Hotel Boulevard
30 sentyabr – 01 oktyabr
Qaçırmayın! Bu zənginləşdirən təcrübəyə qoşulun və şəhərlərimizin gələcəyini formalaşdıran dialoqun bir hissəsi olun!
