ABA ilə DƏDRX arasında görüş keçirilib

20 dekabr 2021-ci il tarixində Azərbaycan Banklar Assosiasiyası (ABA) ilə Daşınmaz Əmlakın Dövlət Reyestri Xidməti (DƏDRX) arasında onlayn görüş keçirilmişdir. Görüşdə Xidmətin rəhbər və məsul şəxsləri, ABA-nın nəzdində fəaliyyət göstərən “Hüquqi məsələlər üzrə Ekspert Qrupu”nun üzvləri iştirak etmişdir.  

Görüşdə bankları maraqlandıran suallara cavab verilmiş, bankların daşınmaz əmlakın qeydiyyatı və balansa keçirilməsi zamanı qarşıya çıxan məsələlər müzakirə edilmişdir. Bu kimi məsələrin operativ və vaxtında həlli məqsədi ilə hər iki qurumun nümayəndərindən ibarət İşçi Qrupunun yaradılması, eyni zamanda bu kimi müzakirələrin və konstruktiv dialoqun gələcəkdə də daha intensiv şəkildə davam etdirilməsi qərara alınmışdır.

Qeyd edək ki, Azərbaycan Banklar Assosiasiyası (ABA) 1990-cı ildə kommersiya bankları tərəfindən təsis edilib. ABA-nın əsas məqsədi üzv-təşkilatların maraqlarını qorumaq, onların müxtəlif növ işgüzar xidmətlərə olan ehtiyaclarının ödənilməsinə yardım göstərmək və fəaliyyətlərini əlaqələndirməkdən ibarətdir. Hazırda 26 bank və 5 qeyri-bank təşkilatı ABA-nın üzvüdür.