ABA və DVX nümayəndələri arasında görüş keçirilmişdir

5 iyul 2024-cü il tarixində Dövlət Vergi Xidmətinin (DVX) nümayəndələri ilə Azərbaycan Banklar Assosiasiyası (ABA) arasında onlayn görüş keçirilib.

Görüş zamanı “Xüsusi ehtiyat fondlarının yaradılmasına aid edilən məbləğlərin vergitutma məqsədləri üçün gəlirdən çıxılması Qaydası”na dəyişiklik edilməsi ilə əlaqədar müzakirələr aparılmış, tərəfləri maraqlandıran suallara cavab verilmişdir.

Qeyd edək ki, Azərbaycan Banklar Assosiasiyası (ABA) 1990-cı ildə kommersiya bankları tərəfindən təsis edilib. ABA-nın əsas məqsədi üzv-təşkilatların maraqlarını qorumaq, onların müxtəlif növ işgüzar xidmətlərə olan ehtiyaclarının ödənilməsinə dəstək göstərmək və fəaliyyətlərini əlaqələndirməkdən ibarətdir. Hazırda, 22 bank və 3 qeyri-bank kredit təşkilatı, 4 digər təşkilat olmaqla, ümumilikdə 29 təşkilat ABA-nın üzvüdür.