0 
Rusiya məhkəməsi, qadağan olunmuş məzmunu silmədiyinə görə, “Google”u 3,8 milyon rubl cərimələyib.
BBN.az xəbər verir ki, bu barədə Moskva ümumi yurisdiksiya məhkəmələrinin “Telegram” kanalında bildirilib.
Qeyd olunub ki, paytaxtın Taqanski Rayon Məhkəməsi “Google MMC”nin Rusiya İnzibati Xətalar Məcəlləsinin “Sayt sahibinin məlumatı silmək öhdəliyi nəzərdə tutulduğu halda onu silməməsi” maddəsi ilə təqsirli bilib.
Platformada bəzi qadağan olunmuş məzmuna girişin bloklanmadığı üçün qanuna əməl edilmədiyi qənaətinə gələn məhkəmə Google-u 3,8 milyon rubl cərimə ödəməyə məcbur edib.
Əvvəllər ölkədə oxşar səbəblərdən Apple, TikTok və Telegram kimi müxtəlif xarici platformalara cərimələr tətbiq edilib.
