Asiya birjalarında qara cümə yaşanır! Texnologiya və süni intellekt (AI) sektorundakı rekord artımlardan sonra investorların “mənfəət götürmə” (profit-taking) dalğası bazarları silkələyib. Xüsusilə çip istehsalçılarının səhmlərindəki kəskin enişlər bütün regiona mənfi təsir göstərir. KOSPI və Çip Krizi: Cənubi Koreyanın KOSPI indeksi 6%-ə qədər geriləyərək günün ən pis nəticəsini göstərib. “Samsung Electronics” və “SK Hynix” kimi nəhənglərin səhmlərinin 8%-dən çox dəyər itirməsi bazarı şoka salıb. Buna səbəb kimi texnologiya nəhənglərinin süni intellekt gəlirlərini işçilər və subpodratçılarla bölüşməsi ilə bağlı təzyiqlər göstərilir. Yaponiyanın “Nikkei 225” indeksi də texnologiya sektorundakı satışlar fonunda 1.6% dəyər itirib. Yaponiya Bankının (BOJ) faiz artıracağı ilə bağlı artan gözləntilər investorları ehtiyatlı olmağa məcbur edir. Texnologiya sektorundan çıxan kapital daha çox iqtisadiyyata həssas olan digər sektorlara yönəldilir. Hazırda bütün diqqət ABŞ-dadır. Bazarların gözü-qulağı bu gün açıqlanacaq ABŞ-ın məşğulluq (payrolls) hesabatındadır. İnvestorlar bu rəqəmlərin dünyanın ən böyük iqtisadiyyatının vəziyyəti barədə verəcəyi siqnalları gözləyir.Texnologiya səhmlərindəki “bal ayı” dövrü bitirmi? Görünür, bazar özünə gəlmək üçün yeni bir katalizator axtarır. ABŞ-dan gələcək xəbərlər isə növbəti həftənin istiqamətini müəyyən edəcək.
