Azərbaycan Mərkəzi Bankının (AMB) sədri Taleh Kazımov ABŞ-ın paytaxtı Vaşinqtonda Dünya Bankı və Beynəlxalq Valyuta Fondunun İllik Toplantıları çərçivəsində Çin Xalq Bankının sədri Pan Qonşenqlə görüşüb.
Görüşdə ikitərəfli əlaqələrin hazırkı vəziyyətindən məmnunluq ifadə olunub. Həmçinin ötən ay imzalanmış Anlaşma Memorandumunun mərkəzi banklar arasında əməkdaşlığın daha da gücləndirilməsinə xidmət edəcəyi vurğulanıb.
Tərəflər maliyyə sektorları və mərkəzi banklar arasında tərəfdaşlığın genişləndirilməsinin, maliyyə texnologiyaları, innovasiyalar və ödəniş sistemləri sahəsində təcrübə mübadiləsinin əhəmiyyətini müzakirə ediblər. Eyni zamanda, birgə əməkdaşlıq əlaqələrinin dərinləşdirilməsinə töhfə verəcək fəaliyyətlərin önəmi qeyd olunub.
Mənbə: Mərkəzi Bank
