Azərbaycan və Misir arasında qarşılıqlı fəaliyyəti dəstəkləyən biznes platformalarının formalaşdırılması məsələsi müzakirə olunub.
Bu barədə iqtisadiyyat naziri Mikayıl Cabbarov “X” sosial şəbəkəsindəki paylaşımında məlumat verib.
Məlumata görə, müzakirələr Islamic Development Bank Groupnun İllik Toplantıları çərçivəsində Misirin planlaşdırma və iqtisadi inkişaf naziri Ahmed Rostom ilə keçirilən görüş zamanı aparılıb.
Görüşdə Azərbaycan və Misir arasında iqtisadi əməkdaşlıq potensialının reallaşdırılması imkanları nəzərdən keçirilib. Tərəflər ticarət, investisiya, sənaye, enerji, turizm və digər istiqamətlərdə əməkdaşlığın genişləndirilməsi, eləcə də işgüzar əlaqələrin inkişafına xidmət edəcək biznes platformalarının yaradılması məsələləri ətrafında fikir mübadiləsi aparıblar.
Nazir qeyd edib ki, iki ölkə arasında iqtisadi tərəfdaşlığın gücləndirilməsi qarşılıqlı maraq doğuran sahələrdə yeni imkanlar yarada bilər.
