Azərbaycanda “Sizin Lombard” brendi ilə fəaliyyət göstərən “GL” ASC 6,9 milyon manat həcmində istiqraz emissiyasına hazırlaşır.
Bu barədə qiymətli kağızların emissiya prospektində bildirilir.
Məlumata görə, “Bakı Fond Birjası” QSC-də hər birinin nominal dəyəri 100 manat olan 69 min ədəd faizli, təmin edilməmiş, sənədsiz və adlı istiqraz kütləvi təklif üsulu ilə yerləşdiriləcək.
İstiqrazların tədavül müddəti 84 ay təşkil edəcək. Onların illik gəlirliliyi 15 % müəyyən edilib və faiz ödənişləri investorlara aylıq qaydada həyata keçiriləcək.
Emissiyanın anderrayteri “İnvest-Az İnvestisiya Şirkəti” QSC-dir. Bununla yanaşı, istiqrazları əldə etmək istəyən investorlar Bakı Fond Birjasının üzvü olan digər investisiya şirkətləri vasitəsilə də müraciət edə bilərlər.
Prospektə əsasən, emitent tərəfindən istiqrazların tədavül müddəti ərzində geri satın alınması nəzərdə tutulmur.
