ABŞ Əmək Departamentinin açıqladığı son JOLTS hesabatına əsasən, iyun ayında ölkədə boş iş yerlərinin sayı 7.359 milyon təşkil edərək analitiklərin proqnozlaşdırdığı 7.454 milyon səviyyəsindən aşağı qalıb və son iki ilin zirvəsindən daha da geri çəkilib. May ayı göstəriciləri də aşağı doğru düzəliş edilərək 7.537 milyona endirilib. Buna baxmayaraq, hesabatdakı işə qəbul, ümumi işdənçıxarma, könüllü işdən ayrılmalar və ixtisarlar kimi digər əsas göstəricilərin ay ərzində sabit qalması əmək bazarının tənzimlənmə prosesində olduğunu göstərir. Bu səngimə ABŞ Mərkəzi Bankının (Fed) inflyasiya ilə mübarizə və məşğulluq hədəfləri arasında balans yaratmaq səylərinə dəstək verən amil kimi qiymətləndirilir və indi bütün diqqətlər bazara təsir edəcək növbəti məşğulluq hesabatlarına yönəlib.
