ABŞ-ın pərakəndə satış statistikalarında kəskin azalma müşahidə olunub

Amerika Birləşmiş Ştatlarında mart ayında pərakəndə satış göstəricilərində 8.7%-lik geriləmə qeydə alınıb. Bu isə, 1992-ci ildən bu yana pərakəndə satışlarda qeydə alınan rekord azalmadır. Ötən ilin mart ayı ilə müqayisə etdikdə isə, 6.2%-lik azalmanın baş verdiyini müşahidə edə bilərik.

483.1 milyard dollar həcmində qeydə alınan bu azalmanın əsas səbəbi kimi, koronavirus pandemiyası səbəbindən insanların evdə qalması və istehlak vərdişlərinin dəyişilməsi göstərilir.

Geyim satışlarında 50%-dən çox, avtomobil satışlarında isə 25.6%-lik azalma qeydə alınıb. Nəqliyyat sıxlığının azalması nəticəsində benzin satışları 17% azalıb.

Digər tərəfdən isə, istehlakçıların pandemiya dövründə zəruri məhsullara tələbatının artması nəticəsində ərzaq mağazaları və apteklərin satışlarında 26%-lik artım müşahidə olunub.

Məlumat üçün qeyd edək ki, mart ayında 16 milyon ABŞ vətəndaşı işsiz olaraq qeydə alınıb.

© Materiallardan istifadə edərkən hiperlinklə istinad olunmalıdır