Avropada daşınmaz əmlak qiymətləri artıb

Avropa Birliyi Statistika Ofisi (EUROSTAT) 2021-cu ilin üçüncü rübündə Avropada daşınmaz əmlak qiymətləri ilə bağlı hesabat yayınlayıb. Hesabata istinadən, Avrozonada (19 ölkə) daşınmaz əmlak qiymətləri 2020-ci ilin üçüncü rübünə nisbətdə 8.8%, 2021-cu ilin ikinci rübünə nisbətdə isə 3.3% yüksəlib.

Avropa Birliyi ölkələrində isə bu göstərici 2020-ci ilin üçüncü rübünə nisbətdə 9.2%, 2021-cu ilin ikinci rübünə nisbətdə isə 3.1 % artıb.

Bir öncəki rübə nəzərən daşınmaz əmlak qiymətlərində ən böyük artım Çexiyada (7.3%), ən kiçik artım isə Rumıniyada (0.1%) qeydə alınıb.

© Materiallardan istifadə edərkən hiperlinklə istinad olunmalıdır