Avropada daşınmaz əmlak qiymətləri artıb

Avropa Birliyi Statistika Ofisi (EUROSTAT) 2021-cu ilin dördüncü rübündə Avropada daşınmaz əmlak qiymətləri ilə bağlı hesabat yayınlayıb. Hesabata istinadən, Avrozonada (19 ölkə) daşınmaz əmlak qiymətləri 2020-ci ilin dördüncü rübünə nisbətdə 9.4%, 2021-cu ilin üçüncü rübünə nisbətdə isə 1.9% yüksəlib.

Avropa Birliyi ölkələrində isə bu göstərici 2020-ci ilin dördüncü rübünə nisbətdə 10%, 2021-cu ilin üçüncü rübünə nisbətdə isə 2.1 % artıb.

Bir öncəki rübə nəzərən daşınmaz əmlak qiymətlərində ən böyük artım Estoniyada (6.6%), ən böyük azalma isə Danimarkada (-4.3%) qeydə alınıb.

© Materiallardan istifadə edərkən hiperlinklə istinad olunmalıdır