Avropa İttifaqı Statistika Bürosunun (EUROSTAT) periodik olaraq yayınladığı hesabata əsasən 2021-ci ilin dördüncü rübündə ÜDM üçüncü rüb ilə nisbətdə həm Avrozona ölkələrində, həm də Avropa Birliyi (Aİ) ölkələrində 0.4% artıb. Ötən ilin müvafiq dövrü ilə müqayisədə isə, ÜDM artımı Avrozonada və Avropa Birliyində müvafiq olaraq 4.6% və 4.8% olub.
Sözügedən dövrdə ÜDM artımının ən çox müşahidə olunduğu ölkə 5.4% ilə Sloveniya, ən böyük azalma isə -5.4% ilə İrlandiya olub.
Avropa Birliyi ölkələrində, eləcə də Avrozonada dördüncü rübdə məşğulluq göstəricisi üçüncü rüb ilə nisbətdə 0.5% artıma nail olub.