Bu ilin yanvar–sentyabr aylarında Azərbaycanda 95 milyard 229,2 milyon manatlıq ümumi daxili məhsul (ÜDM) istehsal edilib. Bu, ötən ilin eyni dövrü ilə müqayisədə 1,3 % çoxdur.
Ötən bir il ərzində iqtisadiyyatın neft-qaz sektorunda əlavə dəyər 1,9 % azalıb, qeyri-neft-qaz sektorunda isə 2,9 % artım qeydə alınıb.
ÜDM istehsalının strukturunda sənayenin payı 34,2 %, ticarət və nəqliyyat vasitələrinin təmiri sahəsinin payı 10,5 %, nəqliyyat və anbar təsərrüfatının payı 7 %, kənd təsərrüfatı, meşə təsərrüfatı və balıqçılıq sektorunun payı 6,8 %, tikinti sektorunun payı 6,6 %, turistlərin yerləşdirilməsi və ictimai iaşənin payı 2,8 %, informasiya və rabitə sahələrinin payı isə 1,8 % təşkil edib. Digər sahələrin payı 20,7 %, məhsula və idxala xalis vergilərin payı isə 9,6 % olub.
Hesabat dövründə əhalinin hər nəfərinə düşən ÜDM-in dəyəri 9 300 manat təşkil edib.
Mənbə: Report.az
