1 
Rəqəmsal inkişaf və nəqliyyat naziri Rəşad Nəbiyev İslam İnkişaf Bankı Qrupunun sədri Məhəmməd Süleyman Əl-Casir ilə görüş keçirib.
Görüş zamanı İslam İnkişaf Bankı ilə AZCON Holding-ə daxil olan şirkətlər arasında effektiv tərəfdaşlıq, birgə layihələrin maliyyələşdirilməsi və gələcək əməkdaşlıq imkanları müzakirə olunub.
Rəşad Nəbiyev bildirib ki, tərəflər qarşılıqlı maraq doğuran sahələrdə təcrübə mübadiləsi və əməkdaşlığın genişləndirilməsi məsələlərinə dair fikir mübadiləsi aparıblar. Məhəmməd Süleyman Əl-Casir isə Azərbaycanın son illərdə rəqəmsallaşma sahəsində əldə etdiyi nəticələri yüksək qiymətləndirib.
