Təminatsız pul bazarında faizlərin Mərkəzi Bankın müəyyən etdiyi faiz dəhlizi daxilində, uçot dərəcəsinə yaxın səviyyədə hərəkət etdiyi bildirilir.
BBN.az xəbər verir ki, bu barədə Azərbaycan Mərkəzi Bankından (AMB) məlumat verilib.
Qeyd olunub ki, faiz dəhlizi parametrlərinin azaldılması ilə bağlı son qərar AZIR indeksi göstəricisinin azalması ilə müşayiət olunub. Belə ki, AZIR indeksinin orta günlük səviyyəsi 2026-cı ilin yanvar ayında 6,70% təşkil etdiyi halda, bu göstərici fevralda 6,54%-ə, martda isə 6,47%-ə enib.
AMB əlavə edib ki, ötən iclasdan bəri gəlirlilik əyrisində, eləcə də Mərkəzi Bankın notları üzrə gəlirlilikdə azalmalar müşahidə olunub.
Bildirilib ki, Mərkəzi Bank əsasən 1 həftəlik açıq bazar əməliyyatları vasitəsilə pul siyasətindən kənar amillərin AZIR indeksinə təsirini minimallaşdırıb.
