Bitkoin yenidən ucuzlaşdı

Martın 4-də kriptovalyuta birjalarında “Bitcoin”in qiyməti yenidən 90 min dollardan aşağı enib.

BBN.az xəbər verir ki, dünyanın ən bahalı kriptovalyutası Bakı vaxtı ilə saat 9:20-də “CoinMarketCap” platformasında 9.74% ucuzlaşaraq 83 872 ABŞ dolları təşkil edib.

Son bir gündə “Ethereum”un qiymətində də azalma müşahidə edilib. Sözügedən kriptovalyutanın dəyəri 14.28% azalaraq 2 094 ABŞ dollarına bərabər olub. İlk beşlikdə olan XRP son sutkada 17.38%, BNB 8.36%, Tether isə 0.02% ucuzlaşıb.

Qeyd edək ki, “Bitkoin”in ən yüksək qiyməti ötən il dekabrın 16-da qeydə alınıb və qiyməti 108 min dolları ötüb.