Bu gün Avropa bazarları neqativ açılıb

0

Çərşənbə axşamı, bu gün Avropa bazarları bu həftə qlobal zəif iqtisadi bəyanatlar fonunda neqativ açılıb.

BBN.az CNBC Business-ə istinadən xəbər verir ki, belə bir nəticə isə ABŞ Mərkəzi Bankının (FED) gözlənilən dekabrdakı iclasında faiz dərəcələrini artırması qorxularından dolayı baş verib.

Bazarın müşahidəçiləri hələ də Bankın dekabrın 13-14-də planlaşdırılan iclasında daha 50 baza bəndi faiz artımına gedəcəyini gözləyirlər.

Mərkəzi Bankın inflyasiyanı nəzarətdə saxlamaq ilə bağlı siyasəti isə səhm bazarına təsir etməkdədir. Belə ki, bu səbəbdən dolayı 2022-ci ildə texnologiya ağırlıqlı NASDAQ 26.2% azalıb.