Beynəlxalq Valyuta Fondunun (BVF) rəhbəri “Beynəlxalq Valyuta Fondu”nun icraçı direktoru Kristalina Georgiyeva mərkəzi bankların müstəqilliyinin qorunmasının vacibliyini vurğulayıb və hazırda təzyiqlərlə üzləşən ABŞ Federal Ehtiyat Sisteminin (FED) sədri Cerom Pauell-ə dəstək ifadə edib.
Reuters-ə müsahibəsində Georgiyeva bildirib ki, mərkəzi bankların müstəqilliyinin biznes və ev təsərrüfatlarının maraqlarına xidmət etdiyini göstərən kifayət qədər sübutlar mövcuddur. Onun sözlərinə görə, faktlara və statistik məlumatlara əsaslanan qərarların qəbulu iqtisadiyyat üçün müsbət nəticələr verir.
Qeyd edək ki, FED sədri Cerom Pauell Tramp administrasiyası dövründə mərkəzi bank binasında aparılan yenidənqurma işləri ilə bağlı xərclərin artması səbəbindən araşdırma ilə üzləşib. Georgiyeva isə belə hallarda siyasi təsirlərdən kənar, müstəqil və peşəkar qərarvermə mexanizmlərinin qorunmasının vacibliyini önə çəkib.
