Qlobal bazarlarda qızılın qiymətindəki dalğalanmalara və qiymətli metalın ucuzlaşmasına baxmayaraq, Çin Xalq Bankı (PBOC) öz strateji kursunu dəyişmir.
Mərkəzi bankın açıqladığı rəsmi məlumatlara görə, qurum ardıcıl 19-cu aydır ki, qızıl ehtiyatlarını artırmaqda davam edir. May ayı ərzində Çin öz ehtiyatlarına daha 320 min troya unsiyası qızıl əlavə edərək ümumi qızıl ehtiyatlarını 74.96 milyon unsiyaya çatdırıb. Bu addım 2015-ci ildən bəri qeydə alınan ən uzunmüddətli və fasiləsiz qızıl yığımı strategiyası hesab olunur. Analitiklər bildirir ki, Çinin bu addımı sadəcə bazar müdaxiləsi deyil, eyni zamanda uzunmüddətli perspektivdə milli sərvətin qorunması və valyuta ehtiyatlarının şaxələndirilməsi istiqamətində atılmış strateji addımdır. Xüsusilə, qızılın qiymətinin aşağı düşdüyü bir dövrdə Çinin bu davamlı alışı bazara güclü “dəstək nərdivanı” yaradır və ölkənin qlobal iqtisadi qeyri-müəyyənliklər qarşısında öz maliyyə dayanıqlılığını möhkəmləndirmək əzmində olduğunu göstərir.
