Çinin iqtisadiyyatı I rübdə proqnozlardan daha çox inkişaf edib

Çinin iqtisadiyyatı daşınmaz əmlak sektorundakı böhrana rəğmən 2024-cü ilin I rübündə proqnozlardan daha çox inkişaf edib. 

BBN.az BBC Business-ə istinadən xəbər verir ki, rəsmi datalara əsasən son 3 ayda Ümumi Daxili Məhsul (ÜDM – Bir il ərzində ölkədə istehsal edilən mal və xidmətlərin ümumi dəyərini ifadə edir-red.) illik əsasda 5.3%-ə qədər böyüyüb.  

Nəticələr isə 4.6% ÜDM-nin olacağı ilə bağlı daha öncəki proqnozları üstələyib. Ötən ay rəsmi Pekin daha qərarlı hədəflər (illik iqtisadi inkişafı 5%-ə çatdırmaq) müəyyən etmişdi. 

Qeyd edək ki, Çin liderlərinin mart ayında keçirilən illik toplantısında isə rəsmilər iqtisadiyyatın 2023-cü ildə 5,2% artdığını bildiriblər.