“Citibank” Rusiya bazarını tərk edir

0

Dünyanın ən böyük maliyyə institutlarından olan “Citigroup” nəzdində fəaliyyət göstərən “Citibank” Rusiya Federasiyasında fəaliyyətini dayandırmağa məcbur olduğunu açıqlayıb. Rusiya-Ukrayna münaqişələrinin başlanğıcından etibarən ölkədə fəaliyyətlərini davam etdirməyə səy göstərsə də, artıq bank rəsmiləri buna son qoyacaqlarını bildiriblər. Əsas səbəb olaraq isə, ölkəyə tətbiq edilən sanksiyalar nəticəsində alıcı bazasının xeyli geriləməsi göstərilib.

“Citibank”dan açıqlanan məlumata görə, qurumun Rusiyada bazar kapitalizasiyası ötən ilin sonundan etibarən 9.8 milyard dollardan 8.4 milyard dollara geriləyib. Bunun 1 milyard dollarlıq hissəsi isə pərakəndə bankçılıq bazarının kiçilməsinin payına düşür. Bankın bu qərarı 15 filialda ümumilikdə 2300 nəfərlik işçi heyətinə təsir göstərəcək.

Digər tərəfdən isə, “Citibank” rəsmiləri Rusiya Federasiyasında investisiya bankçılığı sahəsində əməliyyatların davam etdiriləcəyini açıqlayıb.