Elon Mask Hindistana sərmayə yatırmağı planlaşdırır

Tesla-nın baş direktoru Elon Musk Hindistana “mümkün qədər tez” investisiya etmək istədiyini bəyan etdi.

BBN.az xəbər verir ki, Hindistanın baş naziri Narendra Modi dünyanın ən sıx məskunlaşdığı ölkədə inkişafı dəstəkləmək üçün ABŞ-a səfər edib. Elon Musk baş nazir ilə görüşündən sonra Tesla-nın Hindistana əhəmiyyətli sərmayə qoyacağını bildirdi.

Musk görüşdən sonra jurnalistlərə açıqlamasında “Mən əminəm ki, Tesla Hindistanda olacaq və biz bunu ən qısa zamanda edəcəyik. Məncə, bu, Hindistana əhəmiyyətli bir sərmayə ola bilər” deyə söyləyib.

Mask həmçinin əlavə edib ki, gələn il bu ölkəyə səfər etməyi planlaşdırır. “Baş nazirə dəstəyinə görə təşəkkür etmək istəyirəm və ümid edirəm ki, çox da uzaq olmayan gələcəkdə qərarımızı elan edə biləcəyik” deyə Tesla CEO-su Elon Musk bildirib.