2025-ci ildə İqtisadiyyat Nazirliyi yanında Əmlak Məsələləri Dövlət Xidməti vətəndaşlara, fiziki və hüquqi şəxslərə müxtəlif fəaliyyət istiqamətləri üzrə 2,6 milyondan çox elektron xidmət göstərib.
Məlumata görə, qurum ötən il daha 4 xidmətini elektronlaşdırıb. Hazırda 39 elektron xidmət istifadəçilərin ixtiyarındadır. Bu xidmətlər həm Elektron hökumət portalı (www.e-gov.az), həm də İqtisadiyyat Nazirliyinin elektron xidmətlər portalı (https://e-services.economy.gov.az/services) üzərindən təqdim olunur.
Bununla yanaşı, dövlət əmlakının özəlləşdirilməsi üzrə hərraclarda iştirak üçün sifarişlərin qəbulu da elektron qaydada həyata keçirilir.
Dövlət Xidməti innovasiyaların tətbiqi, xidmət sahəsinin genişləndirilməsi, prosedurların optimallaşdırılması və vətəndaş məmnunluğunun artırılması istiqamətində fəaliyyətini davam etdirir.
