iPhone 17 Slim-də SİM kart yuvası olmayacaq

0

Apple iPhone 17 Slim modelində fiziki SİM kart yuvasını çıxararaq eSIM texnologiyasına tamamilə keçməyi planlaşdırır. Bu addım cihazı daha incə etmək üçün edilən dizayn dəyişikliklərindən biri kimi diqqəti çəkir.

BBN.az xəbər verir ki, bu barədə “The Information” məlumat yayıb.

Məlumata görə, yeni “iPhone 17 Air” yalnız e-SIM texnologiyasını dəstəkləyən ilk cihaz olacaq. Onun “Apple” seriyasındakı ən nazik smartfon olacağı gözlənilir.

Bununla belə, bu dəyişiklik bəzi bazarlarda problemlər yarada bilər, xüsusən də Çin kimi bəzi ölkələr telefonlarda fiziki SİM kartın daxil edilməsini tələb edir.

eSIM texnologiyası artıq Azərbaycanda mövcud olduğundan, iPhone 17 Slim-in Azərbaycana satışa çıxması mümkün olacaq.