Koreya Respublikası Milli Vergi Xidmətinin rəhbəri ilə görüş keçirilib

0

Avropadaxili Vergi Administrasiyaları Təşkilatının (IOTA) Bakıda keçirilən 29-cu Baş Assambleyası çərçivəsində Dövlət Vergi Xidmətinin rəisi Orxan Nəzərli Koreya Respublikası Milli Vergi Xidmətinin rəhbəri Kanq Minsu ilə görüş keçirib.

Görüş zamanı tərəflər iki ölkənin vergi administrasiyaları arasında əməkdaşlıq perspektivlərini müzakirə edib, rəqəmsal texnologiyaların tətbiqi, vergi xidmətlərinin keyfiyyətinin artırılması və vergi ödəyiciləri ilə münasibətlərin təkmilləşdirilməsi sahəsində təcrübə mübadiləsinin əhəmiyyətini vurğulayıblar.

DVX rəisi Azərbaycanın vergi sistemində aparılan islahatlar, Xidmətin 2025–2028-ci illəri əhatə edən Strategiyası çərçivəsində həyata keçirilən tədbirlər, vergi inzibatçılığında rəqəmsallaşma və könüllü əməletmənin təşviqi istiqamətində görülən işlər barədə məlumat verib.

Kanq Minsu Koreya Respublikasında tətbiq olunan vergi idarəetmə modelləri, rəqəmsal texnologiyaların vergi sisteminə inteqrasiyası və beynəlxalq əməkdaşlıq təcrübələri barədə danışıb.

Görüşün sonunda qarşılıqlı əməkdaşlığın davam etdirilməsi ilə bağlı fikir mübadiləsi aparılıb.