Kripto pul kisəsi Telegram-a gəlir

Dünyaca məşhur sosial mesajlaşma proqramı Telegram, The Open Network (TON) rəsmi Web3 infrastrukturuna daxil edəcəyini və “TON Space” adlı kriptovalyuta cüzdanını tətbiqə inteqrasiya edəcəyini açıqladı.

BBN.az bildirir ki, populyar söhbət proqramı Telegram və TON Foundation birlikdə kripto konfransında TON Space adlı yeni şəxsi saxlama cüzdanını elan etdilər. İnteqrasiya istifadəçilərə kripto pulları çox tez köçürməyə imkan verəcək.

Ton Space noyabr ayından etibarən ABŞ istisna olmaqla, bütün dünya üçün əlçatan olacaq. İstifadəçilər kriptovalyuta pul kisəsinə Telegram tətbiqinin parametrlər paneli vasitəsilə daxil ola biləcəklər.

800 milyondan çox aktiv istifadəçisi olan Telegram bu qərarla canlı kriptovalyuta cəmiyyətində varlığını gücləndirməyi hədəfləyir.