“Legion Financial” ASC -nin səhmləri Bakı Fond Birjasında standart bazar seqmentində listinqə alınmışdır

0

16 fevral 2024-cü il tarixində Bakı Fond Birjasının (BFB) Listinq Komitəsinin qərarı ilə  “Legion Financial” ASC səhmləri Bakı Fond Birjasında standart bazar seqmentində listinqə daxil edilmişdir.

Qeyd olunan səhmlərin yerləşdirilməsi Bakı Fond Birjasında abunə yazılışı üsulu ilə həyata keçiriləcəkdir. Yerləşdirmənin başlanmasına ən azı 2 iş günü qalmış yerləşdirmənin baş tutacağı tarix BFB-nin internet səhifəsində investorlara açıqlanacaqdır.

Yerləşdirmə üzrə anderrayter “Assist Finance İnvestisiya Şirkəti” ASC-dir.

Səhmlərin emissiya prospektini BFB-nin internet səhifəsində “Emitentlərin profili” (https://www.bfb.az/az/emitentler) bölməsindən əldə edə bilərsiniz.

 Səhmlər üzrə məlumat aşağıdakı kimidir:

Dövlət qeydiyyat nömrəsi – İSİN	Səhmlərin növü və forması	Səhmlərin sayı	Nominal Dəyəri	Yerləşdirmə  forması	Anderrayter
AZ1001025464	Adi adlı  sənədsiz  səhm	950 (ədəd)	100 manat	Abunə yazılışı üsulu	“Assist Finance İnvestisiya Şirkəti” ASC