Maliyyə Nazirliyinin istiqrazlarının yerləşdirilməsi üzrə hərrac keçiriləcək

0

3 mart 2020-cu il tarixində Bakı Fond Birjasında Maliyyə Nazirliyinin Dövlət Ortamüddətli İstiqrazları (DOİ) üzrə hərrac keçiriləcək. Hərrac zamanı sifarişlərin toplanması BFB-nin ticarət reqlamentinə uyğun olaraq saat 11:00-dan 12:30-dək təşkil olunacaq.

İstiqrazların buraxılış parametrləri barədə məlumat aşağıdakı cədvəldə verilmişdir;

Dövlət istiqrazının növü	Faizli, ortamüddətli dövlət istiqrazları
Qiymətli kağızın ISIN kodu	AZ0105005786
Emissiya həcmi	15 000 000 AZN
Nominal dəyəri	100 AZN
İstiqrazların tədavül müddəti	728  gün
Faiz ödənişləri (olduqda)	1 sentyabr 2020-ci il, 2 mart 2021-ci il,31 avqust 2021-ci il, 1 mart 2022-ci il
Faiz gəliri	6 %
Ödəmə tarixi	01.03.2022
Anderrayter	Paşa Kapital İŞ QSC

Hərrac zamanı, qeyri-rəqabətli sifarişlərin istiqrazların buraxılışının 20%-dən artıq olmamaq şərti ilə qəbul edilməsinə icazə verilir.

Hərracda iştirak etməkdə maraqlı olan şəxslər birja üzvü olan investisiya şirkətlərinə müraciət edə bilərlər. Birja üzvlərinin əlaqə vasitələri BFB-nin internet saytının (www.bfb.az) “Üzvlər” bölməsində yerləşdirilib.