ABA-nın təşkilatçılığı ilə “Ödəniş sistemləri və rəqəmsal bankçılıq üzrə Ekspert Qrupu”nun təmsil olunduğu geniş tərkibdə nümayəndə heyətinin Türkiyə Respublikasına təcrübə mübadiləsi üzrə rəsmi səfəri başa çatmışdır.
3 günlük (26-28 oktyabr) müddəti əhatə edən səfər zamanı qardaş Türkiyə Respublikasının bank sisteminin rəqəmsal transformasiyası üzrə əldə edilən nailiyyətlərinin öyrənilməsi, qarşılıqlı əməkdaşlıq istiqamətləri müzakirə edilmişdir.
Səfər çərçivəsində Türkiyə Respublikasının Banklararası Kart Mərkəzi, “İng Bank”, “Vakıfbank”, “Ziraat Bank”, “Yapı Kredi Bank”, “Aktif Bank”, “Türkiye İş Bankası” kimi iri maliyyə institutları ilə yanaşı, “Visa Inc.” beynəlxalq ödəniş sisteminin Türkiyə Respublikası üzrə nümayəndəliyi, Birleşik Ödeme Hizmetləri, “Paycell”, Token, Payten, Provision kimi fintex şirkətləri ilə görüşlər keçirilərək təcrübə mübadiləsi aparılmışdır.
Aparılan təcrübə mübadiləsinin nəticəsi olaraq, Ekspert Qrupu tərəfindən təklif və tövsiyələr hazırlanaraq bank ictimaiyyətinə açıqlanacaqdır.
