Tibbi avadanlıqların idxalında artım müşahidə olunur

Respublikamıza fevral ayında idxal edilən tibbi avadanlıqların həcmində yanvar ayına nisbətdə 27%-dən çox artım müşahidə olunub. Bu barədə gömrük komitəsinin dövri olaraq açıqladığı hesabatda göstərilib. Belə ki, yanvar ayında ölkəyə daxil olan Optik, fotoqrafik, kinematoqrafiya, ölçü, nəzarət, ən dəqiq, tibbi və ya cərrahiyyə alətləri və aparatları,eləcə də onların hissələri və ləvazimatları ümumilikdə 10.9 milyon ABŞ dolları civarında ikən, fevral ayında bu göstərici 13.8 milyon dolları ötüb.

Sözügedən avadanlıqların ixracında da artan tendensiya müşahidə olunur. Belə ki, yanvar ayında 1 milyon 685 min, fevral ayında isə 496 min ABŞ dolları olmaqla, iki ayda ümumilikdə 2 milyon 181 min ABŞ dolları həcmində tibbi avadanlıq ixracı həyata keçirilib. Ötən ilin müvafiq dövrünə nəzər saldıqda isə, bu göstəricinin 1 milyon 465 min ABŞ dolları civarında olduğunu müşahidə edə bilərik.

Diqqəti cəlb edən digər bir məqam isə yeyinti məhsulları idxalı göstəricisinin fevral ayı ərzində 25%-ə qədər artaraq 96.4 milyon dollardan 120.2 milyon dollar civarına yüksəlməsi olub.

© Materiallardan istifadə edərkən hiperlinklə istinad olunmalıdır