“Toyota” Yaponiyada istehsalı bərpa edib

Yaponiyanın avtomobil istehsalçısı “Toyota” çərşənbə günü sistem nasazlığından dolayı dayandırılmış obyektlərində fəaliyyətini bərpa edib.

BBN.az bu haqda Reuters nəşrinə istinadən xəbər verir.

“Səhər növbəsindən etibarən 14 zavoddan 12-si adi qaydada işləyir, Fukuoka və Kyoto prefekturalarında daha ikisi günün sonuna qədər işini bərpa edəcək”, – deyə kompaniyadan qeyd edilib.

Xatırladaq ki, avqustun 29-da konsernin 12 zavodunun fəaliyyətini dayandırdığına dair məlumat yayılmışdı. Həmçinin şirkət hələ də nasazlığın səbəblərini araşdırır və daha öncə də bildirilmişdi ki, xəta kiber hücum ilə əlaqəli deyil.