ABŞ-ın yeni administrasiyasının Hörmüz boğazı ilə bağlı iddialı planı başlamadan bitdi!
NBC-nin yaydığı şok məlumata görə, Donald Trampın Hörmüz boğazındakı gəmiçilik marşrutlarına nəzarəti dəyişmək planından qəfil geri çəkilməsinin pərdəarxasında Səudiyyə Ərəbistanının kəskin etirazı dayanıb. Riyadın bu plana qarşı çıxması və bunun regionda yeni bir gərginlik ocağı yaradacağı ilə bağlı xəbərdarlığı Ağ Evi qərarını yenidən nəzərdən keçirməyə məcbur edib.
Bu “geopolitik geri çəkilmə” enerji bazarları üçün kritik əhəmiyyət kəsb edir. Hörmüz boğazı qlobal neft ticarətinin əsas arteriyası sayıldığı üçün hər hansı bir hərbi və ya siyasi müdaxilə ehtimalı qiymətləri od püskürməyə vadar edirdi. Trampın bu qərarı neft bazarında nisbi sakitlik yaratsa da, Vaşinqton və Riyad arasındakı “pərdəarxası” diplomatiyanın nə dərəcədə həlledici olduğunu bir daha sübut etdi. Görünən odur ki, regionun enerji nəhəngləri Hörmüzdə status-kvonun pozulmasına icazə vermək niyyətində deyillər!
