“United Nations” Pakistana 160 milyon dollar ayırmağı nəzərdə tutur

Pakistan: Daşqınlardan dolayı ərzağın qiyməti artır

İyunun ortalarından Pakistanda başlayan daşqınlardan dolayı 1000-ə yaxın insan vəfat edib. 220 milyon əhalisi olan Pakistanın 33 milyon vətəndaşları daşqınlardan zərər görüblər.

Bazar ertəsi günü, həm International Monetary Fund (IMF), həm də United Nations (UN) Paksitana daşqınlardan dəyən zərərlə bağlı “təcili köməklik” paketi hazırlayıblar. Lakin Planlaşdırma naziri Ahsan Iqbal isə deyib ki, daşqınlardan dəyən zərərin bərpasına 10 milyard dollardan çox vəsait lazım olacaq. Xəbər verdiyimiz kimi IMF 7 və 8-ci tranş olaraq 1.1 milyard dollar dəyərində iqtisadi maliyyə yardımı ayrılmasını təsdiq edib.

UN-nin baş katibi Antonio Guterres isə gələcək həftə həmrəylik əlaməti olaraq Pakistana səfər edəcəyini bildirib və əlavə edib ki, daşqınlardan zərər görən milyonlarla pakistanlılara dəstək olmaq üçün 160 milyon dollar dəyərində “təcili köməklik” paketi ayırmağı nəzərdə tuturlar.

Bununla belə daşqınlar kənd təsərrüfatı sahələrini məhv edib, qarğıdalı sahələri suyun altında qalıb. Bütün bunlardan dolayı isə ərzağın qiymətlərində də artım müşahidə edilir.