Dünən ABŞ xam nefti WTI axşam saatlarında kəskin geriləyib. Belə ki, 26.27 dollar səviyyəsindən 18.27 dollar səviyyəsinə düşüb. Daha sonra isə 77.83%-lik kəskin ucuzlaşma ilə qısa müddət ərzində 5 dolların aşağı səviyyəsinə enib. Geceyarısı isə WTI 0 dollar həddini də keçərək -40 dollardan ticarət edilməyə başlayıb. Bu isə, neft istehsalçısının ticarət qarşılığında alıcıya pul ödəməsi deməkdir.
ABŞ prezidenti Donald Tramp qiymətlərdə belə kəskin azalmanı koronavirus pandemiyası səbəbindən xam neft və neft məhsullarına olan tələbatın kəskin azalması və bunun nəticəsində neft depolarının dolması ilə əlaqələndirir. Donald Trump həmçinin bu geriləmənin qısamüddətli olacağını və ABŞ-ın strateji neft ehtiyatlarını artırmaq üçün 75 milyon barel neft alacağını da açıqlayıb.
Qeyd edək ki, hal-hazırda WTI neftinin bareli 1.55 dollara, Böyük Britaniyanın Brent markalı nefti isə 25.35 dollara satılır.