İngiltərənin ən qədim müstəqil iqtisadi tədqiqat institutu kimi tanınan Milli İqtisadi və Sosial Tədqiqatlar İnstitutunun təhlilinə görə Brexit, Kovid-19 epidemiyası və Rusiya-Ukrayna müharibəsinin səbəb olduğu inflyasiyanı azaltmaq üçün monetar siyasətin sərtləşdirilməsi Britaniya iqtisadiyyatına mənfi təsir göstərib.
BBN.az xəbər verir ki, bu hadisələrin təsiri ilə İngiltərə iqtisadiyyatının bu il 0,4 faiz, 2024-cü ildə isə 0,3 faiz böyüməsi gözlənilsə də, iqtisadi vəziyyəti bağlı qeyri-müəyyənliklər yüksək olaraq qalır.
Sözügedən qeyri-müəyyənliklərdən asılı olaraq, iqtisadiyyatın bu ilin sonunda daralacağı, 2024-cü ilin sonunda isə 60 faiz risklə tənəzzülə girəcəyi gözlənilir.
İnflyasiyanın bu ilin sonunda 5,2 faizə, 2024-cü ilin sonunda isə 3,9 faizə düşəcəyi, lakin 2025-ci ilə qədər hədəflənmiş 2 faiz səviyyəsindən yuxarı qalacağı gözlənilir. Hazırda 6,9 faiz olan baza inflyasiyanın yüksək qalmaqda davam etməsi riski, əsas inflyasiyanın gözləniləndən yüksək qalma ehtimalını artırır.
İngiltərə Bankının siyasət faizini indiki 5,25 faiz səviyyəsindən 5,50 faizə yüksəltməklə faiz dərəcələrinin zirvəyə çatması gözlənilsə də, aşağı iqtisadi artım və durğun istehsal səbəbiylə ev təsərrüfatlarının zəifliklərinin arta biləcəyi proqnozlaşdırılır.
Ümumi seçkilərin planlaşdırıldığı 2024-cü ilin sonuna qədər ölkədə maaş səviyyələrinin Kovid-19-dan əvvəlki səviyyədən aşağı qalacağı və sorğuların gəlir bərabərsizliyinin artdığı bir vaxtda keçiriləcəyi gözlənilir.
