ABA-nın prezidenti Real TV-yə “Həyat sığortasına bank sektorunun yanaşması” mövzusunda müsahibə verib

8

12 iyun 2024-cü il tarixində Azərbaycan Banklar Assosiasiyasının (ABA) prezidenti Zakir Nuriyev Real TV-nin “Sığorta Reallığı” verilişinə “Həyat sığortasına bank sektorunun yanaşması” mövzusunda müsahibə verib.

Xatırladaq ki, istehlak kreditləri üzrə borcluların həyat risklərinin sığorta mexanizmləri ilə müdafiəsinin gücləndirilməsi məqsədilə ilk dəfə olaraq Azərbaycan Respublikasının Mərkəzi Bankının təşəbbüsü ilə cari ilin əvvəlində Azərbaycan Banklar Assosiasiyası (ABA) və Azərbaycan Sığortaçılar Assosiasiyasının (ASA) birgə fəaliyyəti təşkil olunub.

Bu fəaliyyətin yekunu olaraq Azərbaycan Respublikasının Mərkəzi Bankının İdarə Heyətinin 16 may 2024-cü il tarixli qərarı ilə “Fiziki şəxslərə təqdim edilən kredit müqavilələri üzrə borcalanın həyatının ölüm halından və əmək qabiliyyətinin itirilməsi hallarından sığortası Qaydaları”na və “Banklarda kredit risklərinin idarə edilməsi Qaydası”na əlavə və düzəlişlər təsdiq edilib.

05 iyun 2024-cü il tarixində isə Azərbaycan Banklar Assosiasiyası (ABA) və Azərbaycan Sığortaçılar Assosiasiyası (ASA) birgə mətbuat konfransı keçiriblər. Konfransda Azərbaycan Respublikasının Mərkəzi Bankı tərəfindən həyat sığortalarına gətirilən yeni tənzimləyici qaydalara aydınlıq gətirilib.

ABA prezidentinin mövzu ilə əlaqədar yeni müsahibəsinin tam versiyasına isə aşağıdakı videodan baxa bilərsiniz.