3 
Asiya İnkişaf Bankı (AİB) 1999-cu ildən bu günə qədər Azərbaycana ümumilikdə 5,5 milyard ABŞ dolları həcmində maliyyə dəstəyi göstərib.
Bu məlumat Azərbaycan Prezidenti İlham Əliyevin noyabrın 14-də AİB-in prezidenti Masato Kandanın rəhbərlik etdiyi nümayəndə heyəti ilə görüşü zamanı səsləndirilib.
Bildirilib ki, 1999-cu ildən indiyədək AİB tərəfindən Azərbaycanda nəqliyyat, su təchizatı, enerji, maliyyə, təhsil, səhiyyə və digər sahələri əhatə edən 145 kredit, qrant, investisiya və texniki yardım layihəsi həyata keçirilib. Bu layihələr üzrə ölkəyə ayrılan maliyyə dəstəyinin ümumi məbləği 5,5 milyard dollar təşkil edib.
