ABA-nın “Risklərin idarə edilməsi Ekspert Qrupu”nun Türkiyə səfəri başa çatmışdır

27

Azərbaycan Bank və Maliyyə Tədris Mərkəzinin təşkilatçılığı, Azərbaycan Banklar Assosiasiyasının və Türkiye Banklar Birliyinin dəstəyi ilə 19-20 iyun 2025-ci il tarixlərində ABA-nın “Risklərin idarə edilməsi Ekspert Qrupu”nun, o cümlədən bankların bu istiqamətdəki digər rəhbər şəxslərinin İstanbula səfəri baş tutmuşdur.

Səfər çərçivəsində iştirakçılar aşağıdakı mövzularla tanış olmuşlar:

• Stress testlərinin optimallaşdırılması və modelləşdirilməsi,
• BASEL III-ə keçid mexanizmləri, onun effektivliyinin təmin edilməsi, bu prosesdə türk bankçılığının üzləşdiyi problemlər və onların həlli istiqamətində səylər,
• Enterprise Risk Management (ERM) sisteminə keçid və risk mədəniyyətinin mənimsənilməsi təcrübəsi,
• Rəqəmsal İstehlak Krediti üçün Erkən Xəbərdarlıq və Fırıldaqlığın Qarşısının Alınması Alətləri,
• Agile Risk İdarəetməsi,
• KOM və Pərakəndə Bankçılıqda Risklərin İdarə Edilməsi,
• Qərar Qəbul Proseslərinin Avtomatlaşdırılması (Mənzil Kreditləri, İstehlak Kreditləri, Mikro Kreditləşdirmə),
• Kredit proseslərində risklərin idarə edilməsi proseslərinin rəqəmsallaşma səviyyəsi,
• GRC (İdarəetmə, Risk və Uyğunluq) alətlərindən istifadə təcrübəsi,
• Risk iştahı, restrukturizasiya və həllində inteqrasiya olunmuş yanaşmanın və sənaye miqyasında ümumi metodologiyaların tətbiqi.

Səfər çərçivəsində aşağıdakı qurumların nümayəndələri ilə görüşlər təşkil edilmişdir:

• Ziraat Bank
• Halk Bankası
• DenizBank
• İş Bankası

Qeyd edək ki, Azərbaycan Bank və Maliyyə Tədris Mərkəzi (ABFTC) 2000-ci ildə Avropa Birliyi tərəfindən yaradılıb, Azərbaycan Banklar Assosiasiyasının törəmə müəssisəsidir. İndiyə qədər ABFTC tərəfindən 250-a yaxın təlim mövzusu üzrə, 38 mindən çox dinləyiciyə 2600-ə yaxın təlim kursu təşkil edilmişdir.