9 aprel 2026-cı il tarixində Azərbaycan Banklar Assosiasiyası (ABA) və Azərbaycan Respublikasının Mərkəzi Bankının nümayəndə heyəti Bank of Japan ilə rəqəmsal maliyyə texnologiyalarının və innovativ ödəniş alətlərinin inkişafına həsr olunmuş iki işgüzar görüşdə iştirak edib.
Görüşlər çərçivəsində müasir Yaponiyada rəqəmsal aktivlər, CBDC, müasir ödəniş alətləri, maliyyə texnologiyaları, rəqəmsal ödəniş həlləri və innovativ yanaşmalar ətrafında geniş fikir mübadiləsi aparılıb. Eyni zamanda, bu texnologiyaların ödəniş sistemlərinə inteqrasiyası və potensial iqtisadi təsirləri müzakirə olunub.
Günün növbəti görüşü Yaponiyanın ödəniş sistemləri və QR əsaslı ödəniş həllərinə həsr olunub. Təqdimat zamanı ölkədə rəqəmsal ödəniş ekosisteminin inkişaf istiqamətləri, digər ölkələrin ödəniş sistemləri ilə əlaqələrin qurulması üzrə təcrübə, müasir ödəniş infrastrukturu və QR texnologiyalarının tətbiqi sahəsində qabaqcıl yanaşmalar təqdim edilib.
