ABŞ-da dekabr ayı üzrə pərakəndə satış artımının dayanması fonunda dövlət istiqrazlarının gəlirliliyi geriləyib, bu isə qızıl və gümüş qiymətlərinin artmasına səbəb olub. Bazarlar indi gün ərzində açıqlanacaq ABŞ məşğulluq (nonfarm payrolls) məlumatlarını gözləyir. Qeyd edək ki, ABŞ 10 illik istiqraz gəlirliliyi təxminən bir ayın ən aşağı səviyyəsinə enib. Bunun fonunda qızıl və gümüş qiymətləri yüksəlib. Ekspertlər bildirirlər ki, aşağı gəlirliliklər gəlir gətirməyən aktivlər – xüsusilə qızıl üçün – alternativ xərcini azaldır. Bu isə investor marağını artırır. Eyni zamanda zəifləyən iqtisadi dinamika və mümkün yumşaq pul siyasəti gözləntiləri qiymətli metalları dəstəkləyir. Xatırladaq ki, spot gümüş çərşənbə axşamı 3%-dən çox geriləmişdi, lakin bu gün yenidən bərpa siqnalları müşahidə olunur. Bazarların əsas diqqəti ABŞ-dan açıqlanacaq məşğulluq statistikasıdır. Əgər əmək bazarı da zəifləmə siqnalı versə, bu, Federal Ehtiyat Sisteminin (FED) faiz siyasəti gözləntilərinə təsir edə və qızılın yüksəlişini sürətləndirə bilər.
