ABŞ-ın iflas edən “First Republic” bankı “JP Morgan Chase”ə satıldı

“Son 2 ayda ABŞ maliyyə sektorunda 3-cü bankdır ki, iflas edib. Ölkənin ən böyük beynəlxalq maliyyə xidmətləri şirkəti “JP Morgan Chase” isə iflas edən “First Republic” bankın səhm və depozitlərini alıb”.

BBN.az NBC News TV kanalına istinadən xəbər verir ki, bu haqda aparıcı Lester Holt deyib.

Qeyd edək ki, ekspertlər isə qeyd edirlər ki, bankın depozit sahibləri pullarını sonuna qədər alacaqlar, bununla da hökumət amerikalıları inandırmağa çalışır ki, onların depozitləri təhlükəsizdədir və təminat var. Bildirilir ki, “First Republic” bankın iflası 2008-ci il maliyyə böhranından bu yana 2-ci ən böyüyü hesab edilir.  2023-cü ilin I rübündə isə 100 milyard dollar dəyərində depozit “First Republic” bankdan geri çəkilib.