“AccessBank”da yeni Baş və İcraçı direktor təyin olunub

Bu gündən etibarən “AccessBank”da Əməliyyatlar üzrə yeni Baş Direktor fəaliyyətə başlayır. Bu, Bankın İnformasiya Texnologiyaları üzrə keçmiş İcraçı Direktoru Zəhra Zeynalovadır. Xanım Zeynalova yeni vəzifəsində səlahiyyət müddəti başa çatmış keçmiş direktor Natia Beriyanı əvəz edəcək.

Qeyd edək ki, xanım Zeynalova artıq 14 ildir ki, “AccessBank”da fəaliyyət göstərir. O, bu illər ərzində sıravi əməkdaşdan rəhbər vəzifəsinə qədər yüksəlib.

“AccessBank”ın İnformasiya Texnologiyaları üzrə yeni İcraçı Direktoru isə Dmitriy Kazanidir. O, İT ilə yanaşı həm də Bankın Kartlar və Biznesə Dəstək Departamentlərinə nəzarət edəcək. Cənab Kazani informasiya texnologiyaları sahəsində 15 ildən artıq təcrübəyə malikdir. O, “AccessBank”da fəaliyyətinə 2017-ci ildə İT mühəndisliyin  optimallaşdırılması ilə başlayıb. 2020-ci ildən 2021-ci il mayınadək Bankın İnformasiya Texnologiyaları şöbəsinin müdiri olub.