0 
Azərbaycan Mərkəzi Bankı “E-Kredit Bank olmayan kredit təşkilatı” MMC-nin lisenziyasını ləğv edib.
Məlumata görə, “Bank olmayan kredit təşkilatları haqqında” qanunun 25.1.1-ci maddəsinə uyğun olaraq, E-Kredit Bank olmayan kredit təşkilatı MMC-nin təqdim etdiyi ərizə əsasında Mərkəzi Bankın İdarə Heyətinin 13 may 2026-cı il tarixli qərarı ilə təşkilata verilmiş 24 iyul 2024-cü il tarixli, BKT-48 nömrəli lisenziya ləğv olunub.
AMB bildirib ki, lisenziyanın ləğvi təşkilatın könüllü müraciəti əsasında həyata keçirilib.
Qeyd edilib ki, qanunun 25.4-cü maddəsinə əsasən, bank olmayan kredit təşkilatının lisenziyası ləğv edildiyi gündən qurum fəaliyyətini dayandırır və Azərbaycan Respublikasının Mülki Məcəlləsinə uyğun qaydada ləğv edilir.
