Avropa Komissiyası “Meta”nı 800 milyon avro cərimələdi

0

Avropa Komissiyası (AK) Amerikanın “Meta” korporasiyasını “Facebook” sosial şəbəkəsində reklamda rəqabət qaydalarını pozduğuna görə təxminən 800 milyon avro cərimələyib.

BBN.az bu barədə Avropa Komissiyasınn saytında verilən məlumata istinadən xəbər verir.

Bəyanatda bildirilir ki, “Avropa Komissiyası “Meta”nı Aİ-nin antiinhisar təcrübələri ilə bağlı qaydalarını pozduğuna görə 797,72 milyon avro cərimələyib”.

AK-nin məlumatına görə, şirkət “Marketplace” onlayn xidmətini özünün “Facebook” sosial şəbəkəsi ilə əlaqələndirib. Beləliklə, “Meta” birtərəfli qaydada platformalarında reklam verən digər onlayn reklam yayımı xidməti təminatçılarına ədalətsiz ticarət şərtləri qoyub.

Meta bu cəzadan dərhal şikayət edəcəyini açıqlayıb.