1 
Azərbaycan Mərkəzi Bankı – Azərbaycan Mərkəzi Bankı və “Komplayens Assosiasiyası” İctimai Birliyi arasında Anlaşma Memorandumu imzalanıb.
Sənədin məqsədi maliyyə və qeyri-maliyyə subyektləri üçün komplayens mədəniyyətinin formalaşdırılması, komplayens sahəsində qabaqcıl təcrübələrin təşviqi və tənzimləyici tələblərə uyğunluğun daha da artırılmasıdır.
Bunun üçün komplayens mexanizmlərinin və etik davranış prinsiplərinin inkişaf etdirilməsi istiqamətində maarifləndirmə və məlumatlandırma təşəbbüsləri həyata keçiriləcək. Həmçinin, komplayens sahəsində fəaliyyət göstərən mütəxəssislər üçün seminarlar, təlim proqramları, dəyirmi masalar, konfranslar və digər tədbirlərin təşkili planlaşdırılır.
