2026-cı ilin yanvar-iyul aylarında Azərbaycanda pensiya ödənişlərinə 4 milyard 568 milyon manat vəsait ayrılıb.
BBN.az xəbər verir ki, Əmək və Əhalinin Sosial Müdafiəsi Nazirliyi yanında Dövlət Sosial Müdafiə Fondunun (DSMF) məlumatına görə, bu, ötən ilin eyni dövrü ilə müqayisədə 10 % çoxdur.
Qeyd edək ki, bu ildən pensiyalar 9,3 % indeksləşdirilərək artırılıb. Avqustun 1-nə ölkə üzrə orta aylıq pensiya məbləği illik müqayisədə 10 % artaraq 595 manata yüksəlib. Yaşa görə orta aylıq pensiyanın məbləği isə 633 manat təşkil edib.
Cari ilin ilk 7 ayında 25 min pensiya təyinatı elektron sistem üzərindən proaktiv qaydada həyata keçirilib.
2019-cu ilin əvvəlindən, yəni elektron pensiya təyinatına başlanıldığı vaxtdan indiyədək isə e-sistem vasitəsilə 203 min pensiya təyinatı aparılıb.
